院长佮民调：试析泉腔去声不分阴阳

【类型】期刊

【作者】施炳华 

【刊名】暂无

【关键词】 泉腔 连读变调 本调 漳腔 去声不分阴阳

【资助项】

【摘要】」是毋著的，後者是受「國語」的影響；毋拘，我鹿港人就(tióh)是安爾講。二、分析台語的聲調，目前大多數人講的佮台語教學，是以倚(uá)漳州腔的聲調為主；毋拘，嘛有幾个泉州海口腔（本文以鹿港腔做例）保存「去聲不分陰陽」，所以陽去（第7聲）本調佮變調就參倚漳腔無仝(kâng)。紲落分析鹿港腔的第7聲有的連讀變做第2聲，有的連讀變做第3聲（海口腔是第6聲），原因是鹿港腔有第6聲（漳腔無第6聲），若是本來是第6聲的，變調了野是低(kē)調（第6聲）；若是本來是第7聲的，變調就變做第2聲；嘛有一寡例外，野是低調。三、語言的改變：國語是強勢語言，台語是弱勢語言。海口腔老一輩的野濟少保留古泉腔「去聲不分陰陽」，所以陽去本調讀做「民調(tiàu)」，變調讀做「院(í(上標 ⁿ))長」，不是受國語的影響；中青年輩因為讀國語慣勢矣，就共(kā)國語的聲調帶入台語，講做「院(í(上標 n))長」，「院」讀國語的第4聲（去聲，41），參台語的第2聲(51/53)差不多。四、用文獻（四本歌仔冊）來證明有「泉腔去聲不分陰陽」的例。五、台語聲調教學的系統性，漳、泉的聲調系統本來就無啥共(kāng)款，若卜用一个標準（比如倚漳腔）來解說無仝的地方腔（親像比漳腔較複雜的泉州腔），就真食力閣顛倒花(hue)。上好是分開來看，「漳是安爾(no^0)」，「泉是安爾」，才袂(buē)愈敨(tháu)愈亂。結論除了提示本文的要點以外，閣以台語演講比賽來做例凸現泉腔的複雜，向(ǹg)望評審者對台語各地的腔調有深入的了解，才較有公平、公正的評審。

【年份】2011

【期号】第2期

【所属分类】暂无分类

【全文挂接】 全文阅读